Volvo Adventure

Volvo Adventure - Supporting environmental education, practical projects and action. In partnership with the United Nations Environment Programme (UNEP)

Utangulizi

Huu ni muhtasari kwa watu wanaopenda kuingia katika shindano la Tuzo ya Shani ya Volvo. Tuzo hii ni kwa ajili ya vikundi vya vijana kati ya wawili na watano ambao wanajishughulisha na miradi ya vitendo katika kuboresha mazingira ya shule au jamii. Hii ni tuzo kwa miradi endelevu ambayo imedhihirisha kuboresha mazingira. Iwapo upo katika hatua ya kuanzisha mradi twaweza pia kukusaidia katika kupanga na kuendeleza mradi wako kulingana na uzoefu wa miradi iliyopita. Washindi wengi walijiandikisha mwaka wa kwanza na kushiriki mwaka uliofuata.

Vijana wadogo wenye umri kati ya miaka 13 na 16 wanatarajiwa kuwa na mipango kamili ya kusaidia kunusuru mazingira yao. Utahitaji kuonyesha mchango wa vijana kwenye mradi huo na hatua wamechukua. Mradi wako waweza kulenga kwenye mada yoyote ya mazingira uipendayo. Kwa mfano, tumewahi kupata miradi yenye kulenga katika maeneo yafuatayo:

Bio anuai – jinsi vijana wanavyowasaidia wanyama na mimea kwenye jamii zao.
Taka – mambo ambayo vijana wanafanya kupunguza taka, kutumia tena na kurejesha upya kwenye matumizi.
Maji – jinsi ambavyo vijana wameongeza ubora wa maji katika jamii au shule.
Nishati – namna ambavyo vijana wamesaidia kupunguza matumizi ya nishati au kuifanya iwe endelevu zaidi.
Uchukuzi – vile vijana wana piga kampeni ya kupuguza usogamano wa magari kwao.

Unachohitaji kufanya ni kujiandikisha kwa kujaza fomu katika tovuti www.volvoadventure.org. Washindani bora wataalikwa kwenye kongamano la kimataifa ili kuwasilisha mawazo yao huko nchini Sweden, na kushindania tuzo ya mwisho. Mawazo na mipango kamili yote itachapishwa na kuwasilishwa kwa Mpango wa Mazingira wa Umoja wa Mataifa.
Muhtasari huu umeandaliwa ili kukusaidia kuandaa taarifa zako kwenye tovuti. Sehemu inayofuata inatoa ufafanuzi wa mambo yanayotakiwa kujazwa kwenye kila kifungu cha fomu ya kujiunga. Waweza kuandaa majibu yako kabla ya kuyawasilisha kwenye tovuti.

Unachotakiwa kufanya

Hatua saba za kukamilisha taarifa bora kwa ajili ya mradi wako wa mazingira zinajumuisha:

Hatua ya 1: Tupe kikundi chako na vipengele za mradi

Tupe habari kuhusu kikundi chako, jina ya mradi nakadhalika najinsi ya kuwasiliana nawewe mradi wako ukiingizwa fainali.

Hatua ya 2: Chagua mada

Tueleze madhumuni ya mradi wako, na tatizo la kimazingira unalotaka kutatua. Kwanini uliuchagua mradi huu? Umeufanyia kazi kwa muda gani?

Hatua ya 3: Ainisha malengo yako

Nini matarajio yako – matokeo yepi ya mradi yatakayo tatua tatizo? Yana manufaa gani au yatakuwa na manufaa gani kwenye eneo lako?

Hatua ya 4: Fanya utafiti na uchunguzi

Waamuzi wa shindano wanazingatia shughuli ambazo zinaonyesha umuhimu wa mradi wako. Ulifanya vipi utafiti kuhusu umuhimu wa mradi wako? Elezea utafiti ulioufanya kama chanzo cha mradi wako. Hali ilikuwaje kabla hujaanza? Ulipata ushirikiano gani toka kwa uongozi katika jamii, kampuni binafsi, mashirika yasiyo ya kiserikali na watunga sera?

Hatua ya 5: Tayarisha mpango kamili

Mpango kamili uwe na orodha ya kazi za vitendo ambazo zimetekelezwa au zitatekelezwa na kikundi ili kufikia malengo yanayo tarajiwa. Kazi hizo zaweza kuwa ni za vitendo halisi kama vile kupanda miti au zaweza kuwa ni za kimawasiliano, kama vile uzinduzi wa kampeni kwa kutumia vyombo vya habari na mabango au kuandika sera za kuboresha mazingira na kuziwasilisha kwa uongozi wa jamii. Iwapo kikundi kina mapendekezo kwa mamlaka husika au kampuni basi nayo pia yaingizwe. Waamuzi watakua wakitafuta ushahidi wa hatua iliyochukuliwa na manufaa yake.

Hatua ya 6: Ainisha matokeo

Hii ieleze dira na malengo ya uboreshaji wa mazingira. Kwa mfano, ni kwa kiasi gani kikundi chenu kinadhani matumizi ya maji au nishati katika shule yenu yapunguzwe? Mnapimaje mafanikio yenu? Jamii yenu imepata manufaa gani kwa uanzishaji wa mradi huu? Ni nani wanashiriki na kuwasaidia? Ikiwa mradi umekuwa ukiendelea kwa miaka kadhaa, mmepimaje mafanikio yake?

Hatua ya 7: Fanya muhtasari wa mradi na uipeyane

Kwenye sehemu hii elezea kwa kifupi chanzo, malengo ya mradi, shughuli zilizofanyika na matokeo yake. Mara umalizapo hatua zote wasilisha kwenye tovuti. Miradi ile tu itakayowasilishwa kwa kutumia mfumo ufuatao ndiyo itafikiriwa na waamuzi. Sasa ingia uwanjani!

Projects must be submitted in English!

Volvo Adventure is officially endorsed by UNEP

United Nations Decade of Education for Sustainable Development (2005-2014, DESD)

The Decade aims to integrate the values inherent in sustainable development into all aspects of learning to encourage changes in behaviour which will enable a more viable and fairer society for everyone.
(www.unesco.org/education/desd)